شرح اضافه وحذف العناصر من المصفوفات فى الجافاسكريبت بسهوله

عاملين ايه يا شباب كنا وقفنا من فتره الدروس اللى كنا بنزلها 

لاكن انهارده بدأنا نرجع من جديد بدرس جديد ممتع فى لغه جافاسكريبت 

فى الدرس داله هانشرح داله ممتازه جدا وسهله جدا فى استخدامها وهى داله splice

أول حاجه لازم نعرف الداله دي بتعمل ايه 

بص يا سيدي الداله دي بالمختصر كده بتبدل أي عنصر فى المصفوفه اللى هى ال array بعنصر تاني او عده عناصر 

فقط بتقولها هاتبدأ من رقم كام وتحذف كام عنصر وايه العناصر اللى انت هاتضيفها للمصفوفه 

تعالوا نكتب الداله الاول وبعد كده نشرحها 

splice(1,1, "Ahmed");

يلا بقى نشرح الداله 

الداله بتاخد 3 براميتر 

رقم 1 : ال index اللى هاتبدأ منه فى ال array

رقم 2 : ال index اللى هاتحذفه من ال array

رقم 3 : النص او العنصر اللى انت هاتضيفه لل array

تعالوا نشرح الكلام داه على array موجوده فعلا 

هانضيف array فيها اسماء الاصدقاء مثلا تحتوي على 5 عناصر

var friend = ["ahmed", "mohamed", "khaled", "islam", "ezzat"];

قى الجزء داه هانبدأ نضيف عنصرين الى array ويبدأو من ال index 1 ونحذف عنصر واحد بس

friend.splice(1,1, 'sayed', 'osama');

نجرب نطبع ال array حاليا هنلاقى النتيجه بالمنظر داه 

console.log(friend);

 ["ahmed", "sayed", "osama", "khaled", "islam", "ezzat"]

اسم mohamed اتحذف من ال array واتبدل مكانه sayed و osama

كده نكون شرحنا الداله بإستفاضه لو عندك أى استفسار ممكن تراسلنى عبر صندوق تواصل معنا وسيتم الرد عليك بالفاصيل ان شاء الله